Queixo de vaca Torneiros

Queixo de vaca, maduro e semigraxo con leite crú ecolóxico, Val do Rexo.

O nome é en homenaxe á parroquia de Ecoleia (Torneiros), a gandería veciña de onde procede o leite ecolóxico recén muxido, o protagonista deste queixo. Receita de queixo tradicional que innova cunha codia á que lle aportamos carbón vexetal para favorecer o crecemento de levaduras e mofos comestibles.

O leite Ecoleia chega a nosa queixería recén muxido, sen refrixerar. Unha hora despois de saír da ubre comeza a transformarse en queixo. O queixo de Torneiros leva menos cantidade de leite de vaca que por exemplo Paradiñas, isto débese a que, por ser unha elaboración máis delicada, precisa de máis “coidados” no seu proceso. A diferenza de outros, é un queixo pensado para ser consumido en poucas semanas.

Curiosidades:

– Este queixo non se prensa, deixámolo desorar de xeito natural pola gravidade até o punto de acidez preciso volteándoo varias veces.

– Despois de salar en salmoeira, pasa a unha breve fase de afinado.

– Unha vez oreado, aplicamos a man unha capa de carbón vexetal alimentario que axuda á evolución desexada da codia.

– Cando as levaduras e os fungos comezan a desenvolverse, envólvese en papel especial e remata de madurar en frío, conservando humidade na pasta.

– Tempo de afinado entre 30 e 40 días.

A partir das 3 semanas obtemos e disfrutamos dun queixo cunha codia especial e cunha pasta de textura semibranda e cor lixeramente amarela. Ten ollos distribuídos irregularmente. Aroma agradable a leite e cremosidade en boca, con sabor suave, notas a nata e lixeira acidez.

500gr aproximadamente

As nosas recomendacións:

– En crú en táboas como queixo cremoso e xoven.

– Acompañado de embutidos.

– Moi recomendable combinalo con doce (marmelo ou marmeladas) xa que é un queixo ao que se lle nota a acidez e ten textura untuosa.

– Funde moi ben en bocadillos e hamburguesas.

– Combina de fábula en tostas con pulpo, salmón e aguacate.

– Tamén nos gusta moito en taquiños en ensaladas ou rebozados e fritos presentados con marmelada.

– En croquetas con xamón.

– De postre con marmelo.

Maridaxe con viño branco Alvariño e cervexa artesá tipo Ale loira.

Conservación vida útil: refrixeración a unha temperatura inferior de 6º.
Caducidade: 4 meses.
Conselliño: atemperar o queixo a temperatura ambiente antes de consumir para apreciar ben as texturas e todos os matices dos sabores.

Alérxenos: Leite