A QUEIXERÍA
Situada no Ecoespazo do Rexo
QUEIXOS O REXO
O Proceso
O noso queixo nace do apego á terra, do desexo de manter o territorio nas mesmas condicións en que os nosos avós e avoas nolo deixaron en herdanza. Un legado no que cremos que se pode prosperar, producindo de xeito artesanal cada unha das nosas pezas, cun leite de primeira calidade ligado ao pastoreo e a tradición gandeira.
O NOSO QUEIXO
Características
Trátase do primeiro queixo de ovella feito en Galicia, a base de leite cru. Elabórase con moito agarimo de xeito artesanal, un a un dáselle forma a este produto tan demandando na comarca.
As ovellas son de raza latxa, proceden do País Vasco, adáptanse moi ben o duro clima da provincia e producen aproximadamente un litro de leite ao día, repartidos en dúas muxiduras, unha á mañá e outra á tarde. O traslado dende a granxa á queixería faise de forma tradicional: o noso pastor enche as leiteiras e as traslada á queixeiría.
